हाम्रो बारेमा

२०५६ सालमा विधिवत दर्ता भएको यस संस्थालाई २०६७ सालमा १५३ जना सेयर सदस्यको सहभागिता जुटाई सक्रिय सञ्चालनमा ल्याइएको हो। आज सेयर सदस्य संख्या ५,४६५ पुगेको छ।

सेयर सदस्यहरूको क्षमता अभिवृद्धि तथा सहकारी सचेतनाका लागि संस्थाले निरन्तर तालिम तथा अभिमुखीकरण कार्यक्रम सञ्चालन गर्दै आएको छ। बाढी, भूकम्प, महामारी, आगलागी जस्ता विपद्‌मा सहयोग, विद्यार्थी तथा विपन्न वर्गलाई स्टेशनरी र लत्ताकपडा वितरण, स्वास्थ्य शिविर र रक्तदान कार्यक्रममार्फत मानव सेवामा पनि संस्था निरन्तर लागेको छ।

संस्थालाई यो उचाइसम्म ल्याउन सञ्चालक समिति, लेखा समिति, उपसमितिहरू, कर्मचारी तथा सम्पूर्ण सेयर सदस्यहरूको निरन्तर साथ–सहयोग प्रमुख आधार बनेको छ। आगामी दिनमा प्रविधिमैत्री सेवा, युवा–मैत्री कार्यक्रम र बहुव्यवसाय विस्तारमार्फत संस्थालाई अझ आधुनिक, दिगो र सदस्य–मैत्री बनाउँदै लैजानेछौँ।

२२औं वार्षिक साधारण सभामा प्रस्तुत अध्यक्षको प्रतिवेदनबाट